Burbullas de calma serena portada Andrea Maceiras

Burbullas de calma serena

  1. Andrea Maceiras
  2. Infantil
  3. Burbullas de calma serena

Burbullas de calma serena fala de Casiopea, unha gata doméstica, pouco afeita ás aventuras. Non pode imaxinar que será a primeira gata de Agarimo en ver un alien, tampouco que o acollerá na súa casa nin o desastre que se vai formar.

Do outro lado da rúa, Alma vive con ansiedade a chegada dos seus tres terribles curmáns. Noa está sempre enfadada, Luc non para de chorar e Nico só cala e observa. Así é imposible concentrarse nos deberes de matemáticas!

Malia todo, Agarimo non é un lugar tan tranquilo como parece… E un alien capaz de fundir todas as luces da urbanización cando perde os nervios non é un segredo fácil de agochar.

Se cadra, no planeta Sosego teñen razón e a calma é a solución perfecta.

O problema é que, ás veces, as emocións estouran coma burbullas.

Info para lector@s

» Edad: a partir de 8 anos.

» Ilustraciones: Irene Sanjuán.

» Páginas: 240.

» Editorial: Cuarto de inverno.

» Idioma: gallego.

» Temas: aliens, amizade, autocoñecemento, emocións, superación persoal.

Burbullas de calma serena info para lectores

Curiosidades de Burbullas de calma serena

Burbullas de calma serena curiosidades

Unha historia sobre un alien moi especial…

A gata Casiopea leva unha existencia cómoda e tranquila na casa da torre, o lugar máis especial da urbanización de Agarimo. Os donos da casa son un matrimonio de astrónomos que viaxa durante longas tempadas. Por iso Alma, a filla dos veciños, é a encargada de alimentala. Pero todo cambia cando Casiopea recibe unha visita que aterra xusto ao outro lado da súa fiestra…

…que causa desastres e crea burbullas cheas de emocións…

É un alien? Ou é un gato? Ou trátase de Willy GreenEyes, o actor de moda? E que pintan esas orellas amarelas na súa cabeza?

En realidade, Orión é todo iso e case calquera cousa que se propoña. Provén dunha galaxia moi distante. Por iso pode adoptar a forma que desexe e fundir todos os farois da rúa cando os nervios o traizoan. Para Casiopea non resulta sinxelo agochar un extraterrestre tan caótico. E todo empeora cando Alma descobre a Orión oculto no armario da cociña devorando latas de comida para gatos e fuxe asustada. Como se ela non tivese xa os seus propios problemas!

…capaces de reflectir os nosos mundos internos.

O que lle sucede a Alma é que os seus tres curmáns viven agora na súa casa. Noa sempre anda enfadada, Nico non di palabra e Luc non para de chorar. Así é imposible estudar matemáticas e, co primeiro suspenso, Alma sinte que unha terrible ansiedade comeza a oprimirlle o peito. Pero a quen pode pedir axuda?

Se cadra Orión ten a solución. No planeta Sosego todo se rexe pola Lei da Perfecta Calma. Claro que chegar a ese estado non sempre é fácil. Tería que crear unha burbulla para cada unha das emocións dos seus novos amigos. O problema é que Orión non é moi bo estudante. A ansiedade, o enfado, a tristura e o noxo son emocións difíciles de manexar. Sobre todo, cando alguén da veciñanza axexa todos os teus movementos.

Burbullas de calma serena é unha novela chea de estrelas. E de burbullas. E de todo o que nos pasa por dentro.

Burbullas de calma serena curiosidades 2
ISBN
978-84-124586-2-6
Traduccións
No
Encuadernación
Rústica hilo
Fecha de publicación
09/2022
Tamaño
12,5 x 20 cm

Deixa unha resposta

O teu enderezo electrónico non se publicará Os campos obrigatorios están marcados con *

Fill out this field
Fill out this field
Por favor, introduce un enderezo de correo electrónico válido.
You need to agree with the terms to proceed