Biografía

Penso que a vida sen literatura é menos vida.

Polo menos, eu non imaxino a miña existencia sen ela.

Son doutora en Filoloxía Hispánica e licenciada en Filoloxía Galega. Ademáis de facer labores de investigación, traballei como profesora de secundaria o que, sen dúbida, supuxo unha experiencia moi positiva e inspiradora. Actualmente dedícome de forma profesional á escrita. As charlas, cursos e obradoiros literarios permítenme compartir a miña experiencia con moitas persoas, ainda que adoito ter a sensación de que son eu quen máis aprende.

Penso que a literatura forma parte do que somos, dos nosos pensamentos e emocións, das nosas palabras.

E iso é o que trato de reflectir nas miñas historias.

Andrea Maceiras sobre mi biografía

Traxectoria

Andrea Maceiras al principio

Ao principio…

…escribín os meus primeiros contos para a miña irmá pequena e quizáis por iso sempre me sentín moi cómoda na literatura infantil e xuvenil. A miña primeira novela, Proxecto bolboreta viu la luz da man de Xerais en 2007 grazas a que foi galardoada no I Certame de Micronovela do Concello de Soutomaior. A esta historia seguírona outras, como Violeta tamurana, Premio Meiga Moira 2010; O segredo do lagarto arnal; Nubes de evolución, finalista do Premio Fundación Caixa Galicia; Miña querida Sherezade, Premio Meiga Moira 2014 e Volverás golfiño, finalista do Premio Merlín.

Despois…

…en 2015 gañei o premio Jules Verne coa miña novela Europa Express, unha historia de viaxes e de intriga psicolóxica. En 2018 quedei finalista do premio Raíña Lupa con O que sei do silencio, que aborda o tema do bullying dende a perspectiva dunha acosadora pasiva.

A miña novela número nove, Conta nove estrelas, obtivo o Premio Lazarillo en 2018, ademais do Frei Martín Sarmiento, concedido polas Escolas Católicas de Galicia.

En 2020 obtiven o Premio Merlín por A folla azul, unha historia ambientada na selva amazónica que relata as aventuras de Husu Aké, unha nena que se enfronta aos perigos que ameazan a natureza salvaxe para salvar á súa tribo.

Neste mesmo ano concedéronme o premio dos Clubes de Lectura da Consellería de Educación de Galicia como a autora máis lida. É un dos recoñecementos que máis valoro porque implica o cariño e a confianza de moitos lectores e lectoras.

Andrea Maceiras después
Firma de libros en la Feria del Libro de Madrid

Últimamente…

…en 2021 obtiven o Premio Raíña Lupa da Diputación de A Coruña con Que me pare o corazón se te esquezo, novela que se afonda no abismo dos retos virais, nas luces e as sombras das redes sociais e en todo aquilo que nos atemoriza e nos fascina.

En 2022 concedéronme o XIX Premio Anaya por Alma de elefante, unha aventura ambientada no surleste asiático na que dous xemelgos asumen o reto de salvar a vida a un elefante, sen sospeitar que a viaxe cambiará a súa existencia. A finais dese mesmo ano publiquei a miña obra máis infantil, Increible Sofía.

A principios de 2023 viu a luz Niño y jaguar, unha historia sobre a relación entre a natureza e os seres humanos na que as voces dun neno e un xaguar nos convidan a coñecer a alma da selva.

Ese mesmo ano publiquei Burbullas de calma serena, unha divertida novela sobre como aceptar as nosas emocións.

E a finais de 2023, concederonme o premio Vila d’Ibi por El secreto de Siempreviva, que se publicará na Editorial Anaya cara abril de 2024.

E ademáis…

…de adolescente, descubrín unha pintada na parede do meu instituto. Dicía “a arte comeza no punto en que vivir non abonda para expresar a propia vida”. A cita é anónima e nunca souben quen a escribiu alí, pero a día de hoxe segue a ser a mellor definición de literatura que coñezo. Tanto, que ás veces penso que nunca existiu. Pero entón lembro a súa ubicación exacta, a cor negro das letras trazadas a esprai e dígome a min mesma que non puido ser un soño.

Creo que iso tamén é literatura.

Andrea Maceiras Sobre mi y además