Nubes de evolución portada Andrea Maceiras

Nubes de evolución

Nubes de evolución relata a historia de tres personaxes: un profesor frustrado, unha nai adolescente e un rapaz perdido, que só teñen en común o seu paso cotián pola estación de autobuses.

Sempre vai frío na estación de autobuses. Aquel frío que xea a  manda, a rapaza de dezanove anos que traballa de limpadora, que todas as noites lle conta a Ánxela, a súa filla dun ano, todo o que alí lle aconteceu. Aquel frío que persegue a Uxío, o rapaz louro, que pasa camiño do adestramento, desacougado tras a perda da moza e o divorcio dos seus pais. Aquel frío que atenaza a Luís, o home do paraugas, o profesor de instituto, afundido na soidade, que agarda polo seu autobús.

As vidas dos tres cruzaranse cando Amanda teña que limpar unha pintada nunha das
plataformas de chegadas: «WHEN WILL THOSE CLOUDS ALL DISAPPEAR?».

» Proposta didáctica

Info para lector@s

» Edad: a partir de 13 anos.

» IlustracionesAntonio Seijas.

» Páginas: 192.

» Editorial: Xerais.

» Idioma: galego.

» Temas: amizade, encontro, emocións, esperanza, soidade.

Nubes de evolución info para lectores

Curiosidades de Nubes de evolución

Nubes de evolución curiosidades de la historia

Sempre vai frío na estación de autobuses…

Amanda traballa como limpadora na estación de autobuses. Tivo que deixar o instituto para coidar da súa filla Ánxela. Non é fácil ser nai sendo tan nova. Tampouco non contar co apoio familiar.

Uxío é un caso perdido nos estudios. Os seus pais están a divorciarse. E só o deporte parece evadilo da realidade.

Luís é profesor de secundaria. Pero perdeu a ilusión que o caracterizaba. Xa non sinte amor pola súa profesión e, ás veces, a vida resúltalle insoportable.

… un frío que xea a todos os que a percorren a diario…

O frío da estación envolve a existencia destes tres personaxes que a transitan acotío sen saber que están destinados a cruzarse. Pero ás veces os encontros inesperados son capaces de transformar unha vida. Ou mesmo tres existencias.

…preguntándose cando desaparecerán esas nubes que os cobren.

Un día aparece unha misteriosa pintada nunha das paredes da estación. Trátase dun verso de Angie, a canción dos Rolling Stones, que lanza unha pregunta ao aire: When will those clouds all dissappear? Esa é a mesma dúbida que comparten os protagonistas.

Gustarache esta novela se te emocionan as historias intimistas que evolucionan como nubes e os ceos escuros nos que, algunhas veces, se acenden pequenos raios de luz.

Nubes de evolución curiosidades
ISBN
978-84-9914-463-4
Traduccións
No
Encuadernación
Rústica hilo
Fecha de publicación
01/2013
Tamaño
13 x 21 cm