A folla azul

Premio Merlín 2020

A folla azul é unha historia que nos traslada ao corazón da Selva amazónica. Alí vida da tribo de Husu Aké transcorre tranquila, en sintonía co ciclo da natureza e o espírito de Bekororoti.

Ata que un día a sabia avoa Arumi presinte que o desastre se cerne sobre a súa xente e decide revelar á súa neta o segredo que estivo gardando durante anos. Husu Aké embárcase así nunha viaxe heroica en busca dunha folla azul, o único remedio capaz de salvar aos seus.

Durante a súa aventura terá que romper leis e mandatos ancestrais e descubrir que hai un lugar alén do «mundo verde» onde se perdeu o amor pola Nai Terra.

Un grito contra a destrución dos recursos naturais e un canto a favor da cooperación e o respecto a outras formas de vida.

» Guía de lectura

Mercar

Info para lector@s

» Idade: a partir de 10 anos.

» Ilustraciones: Sonia García.

» Páginas: 144.

» Editorial: Xerais.

» Idioma: galego.

» Temas: amizade, aventuras, cooperación, ecoloxismo, natureza,
selva amazónica.

Curiosidades de A folla azul

Unha novela amazónica…

…protagonizada por unha tribo ficticia, a dos Tacaré. Esta tribo está inspirada nunha real, a dos Kayapó. Os Kayapó ou Mebêngôkre (do lugar da auga) viven na Amazonia brasileira. Hai anos que sigo a historia desta tribo, á que admiro por moitos motivos: a súa oposición a construción da presa que anegaría os seus terreos, a súa loita por preservar a selva que habitan e o seu labor como gardiáns e gardiás do mundo verde. Por iso, a súa forma de entender a vida, os seus costumes e tradicións e mesmo algunhas das súas palabras forman
parte desta historia.

…cunha protagonista única…

Porén, o don de Husu, a protagonista, é ficticio. Husu é capaz de falar a lingua dos animais. Así, comunícase cos golfiños rosados, coa aguia harpía, coas tartarugas e cos xaguares. E inicia unha perigosa viaxe co fin de atopar un remedio capaz de curar a misteriosa enfermidade que afecta aos membros da súa tribo.

…que busca salvar a súa tribo e protexer o seu entorno.

Malia que me encantaría posuír a capacidade de falar cos animais, para min a personaxe máis especial desta historia é Arumi, a avoa de Husu. En Arumi vexo á miña propia avoa. E sinto que, a pesar de que xa non estea comigo, a súa sabedoría segue a acompañarme en cada paso do camiño.